Home Kultura Marija Librenjak “Zovu me Sjećanja “Majko…….

Marija Librenjak “Zovu me Sjećanja “Majko…….

345
0
SHARE
Mater mi ukrast tili, jopet
Zaspala san na postelji tvojon
Potrpana lancunon i kuverturon
Ni pomaknila se nisan
San biše ‘nako dičinje miran
A’ u nika doba doklen su pivci veršali
Sanak me od glave do pete upoti
Ukrast te tili, jopet
Niki čudni ljudi i zemani
 Oće da te smetnin
Buncala i granjsala u snin
Na intimeli upoćenin
U  intradi, vinogradu , gori i na zaorku
Tražin te posvud, a  nađoh te u svitanju
Jerbo dan se poznaje po jutru
Ćutin te u svakomen dičinjon naramku
Zagrli’ ki u javi, jopet, mater jedinu
A  ukrast tili nki ljudi maliciozni ,   mater moju.
U Karakašici, 17. rujna 2019.
Marija Librenjak
P.S. Objavljivam opet na Majčin dan 2020. Fotografija –  moja mater s unukon,  imenjaknjon njezinon ,Terezon…i jedna materina slika iz mojizi snoviđenja…